Scripture Passage for the Day

Was me dat wen tell you guys bout Christ first time. Dass jalike I wen plant da seed. Den Apollos wen come teach you guys. Dass jalike he water da seed I wen plant. But God, he da One dat make um grow! So, den, dass why no matta who plant da seed, o who water um. Ony one ting matta, dass God, cuz he da One dat make um grow. Da guy dat plant da seed an da guy dat water um, dey working togedda jalike one hui. Everybody goin get pay fo wat dey do. Cuz us guys an God, we work togedda.

--Numba 1 Fo Da Corint Peopo 3:6-9a
Da Jesus Book (Hawaii Pidgin New Testament)

Scripture Passage for the Day

True justice is the harvest reaped by peacemakers from seeds sown in a spirit of peace.

--James 3:18
NEB

And the harvest of righteousness is sown in peace by those who make peace.

--James 3:18
RSV

Da peopo dat stay cool head an stop all da trouble da odda guys making, wat dey goin get from all dat? Cuz a dem, bumbye da odda guys goin do da right kine stuff dat God like. Da peopo dat stay cool head an stop all da trouble, dey jalike da farma guy. First, dafarma guy plant da seeds, den bumbye, he goin get food from da plants.

--From James 3:18
Da Jesus Book (Hawaii Pidgin New
Testament)

Scripture Passage of the Day

So den, wat we goin say bout all dat? God stay fo us guys to da max. Cuz God stay lidat, who going agains us? No mo nobody!

-- Fo Da Rome Peopo 8:31
Da Jesus Book (Hawaii Pidgin New Testament)

Scripture Passage of the Day

I shua bout dis: No mo notting can make God stop loving us guys. No matta if we stay alive o we mahke, no matta if get angel guys o leada guys in da sky, o if get spirits wit power dat go agins us, no matta wateva stay happen now o goin happen bumbye, no matta get guys wit power up dea inside da sky, o down dea inside da groun, no matta get all kine odda kine tings dat God wen make -- no mo notting dat can hemo us from God, so he no love us no moa! Cuz us guys stay tight wit Jesus Christ, da Spesho Guy God Wen Send, an he our Boss.

-- Fo Da Rome Peopo 8:38, 39
Da Jesus Book (Hawaii Pidgin New Testament)

Scripture Passage for the Day

My good friends, cuz God wen show dat kine love an aloha fo us guys, den us guys gotta show love an aloha fo each odda too. No matta no mo nobody eva wen see God fo real kine -- if we get love an aloha fo each odda, den God stay wit us an his love stay to da max inside all us guys.

-- Numba 1 From John 4:11, 12
Da Jesus Book (Hawaii Pidgin New Testament)

Scripture Passage for the Day

If one a you guys donno wat fo do, aks God fo help, fo give you da smarts you need! He no goin give you guys hard time. He goin help you guys, God give plenny to everybody, you know. But if you goin aks him fo someting, you gotta trus him. No ack like you no can make up yoa mind. Da guy who not shua, he jalike one wave inside da ocean dat da wind stay blow all ova da place. Da bugga ack like he get two brains, you know. He everytime no can make up his mind da way he tinking bout doing tings. Dat bugga betta not tink he goin get someting from da Boss, cuz he not.

-- Da Letta From James 1:5-8
Da Jesus Book (Hawaii Pidgin New Testament)

Scripture Passage for the Day

So den, how come you guys everytime like make argue an fight wit each odda? You know why? Cuz inside you, you like go all out fo get someting, and same time, you like get one nodda ting. Az why one part everytime fighting one nodda part. Wen you guys like someting, an you no can get um, you guys even like go kill peopo. Cuz you like get um so bad, but still yet you no can. You guys everytime like make argue an fight! You no can get notting, cuz you not aksing God fo um, az why! Yeah, you aks fo um, but still yet you no get um, cuz inside yoa heart no stay right. Da kine stuff you aksing fo, ony fo make yoa own self feel good, az why.

-- From James 3:1-3
Da Jesus Book (Hawaiian Pidgin New Testament)

[During the height of the takeover of the Southern Baptist Convention, a pastor supportive of the takeover movement was leading a men's prayer session at mission meeting in Zimbabwe. He asked the men to share a favorite scripture verse and then he would make some nice observation on the significance and beauty of each verse and how he also appreciated it. I had recently been struck by the force and relevance of this passage and quoted it as a favorite of mine. (From the NIV not Da Jesus Book). When I finished there was a nervous silence and then, "Anyone else have a favorite verse?" I suspect he understood.]